Спектральныя серыі вадароду

Спектральныя лініі атама вадароду

Спектральныя серыі вадароду — набор спектральных серый, якія складаюць спектр атама вадароду. Паколькі вадарод — самы просты атам, яго спектральныя серыі найбольш добра вывучаныя. Яны добра падпарадкоўваюцца формуле Рыдберга:

${\frac {1}{\lambda }}=R\left({\frac {1}{n'^{2}}}-{\frac {1}{n^{2}}}\right),$

дзе R = 109 677 см⁻¹ — пастаянная Рыдберга для вадароду, n'  — асноўны ўзровень серыі.

Спектральныя лініі, якія ўзнікаюць пры пераходах на асноўны энергетычны ўзровень, называюцца рэзананснымі, усе астатнія — субардынатнымі.

Фізіка спектральных серый

Атам вадароду складаецца з электрона, які верціцца вакол ядра. Электрамагнітная сіла паміж электронам і пратонам ядра выклікае наяўнасць набору квантавых станаў электрона, кожны з якіх мае сваю энергію. Гэтыя станы ўмоўна абазначаюцца на Бораўскай мадэлі як асобныя арбіты электрона. Кожнаму такому стану (умоўнай арбіце) адпавядае цэлы лік n.

Спектральнае выпраменьванне адбываецца, калі электрон пераходзіць з больш высокага энергетычнага стану ў больш нізкі. Стан з больш нізкай энергіяй пазначаецца як n' , а з больш высокай n. Энергія выпрамененага фатона адпавядае розніцы двух станаў. Паколькі энергія кожнага стану заўсёды аднолькавая, розніца паміж імі таксама заўсёды аднолькавая і пры пераходзе заўсёды будзе выпраменьваць фатон з пастаяннай энергіяй.

Спасылкі

• Спектральная серия — артыкул з Фізічнай энцыклапедыі